أفضل أنواع من الكلاب ممكن اقتنائها و تربيتها في البيت:

أفضل أنواع من الكلاب ممكن اقتنائها و تربيتها في البيت:
طبعا أول حاجة هي كيف نختار الكلب اللي ممكن نربيه في البيت، وانا راح استعرض أفضل مجموعه من الكلاب ممكن تربيتها في البيت و العرض راح يكون على حسب السهولة في التدريب والتربية مش على اي معيار تاني، يعني ماراح ارتب على حسب الشراسه او اي حاجة، ومع كل نوع راح اكتب مميزاته و ليه هو سهل وعيوبه طبعا الكلام خاص بالتربيه في المنزل، يعني ممكن المميزات تكون عيوب في حالات تانية.

هذا لا يمنع ان اي كلب ممكن يتربي في شقه بس اكيد راح نواجه صعوبات في تربيه انواع معينة وهنحتاج معامله خاصة، وكلامي في الموضوع ده خاص بتربيه الكلاب في المنزل اللي فيه عائله، يعني مش منزل عايش فيه شخص لوحده، لان لو الواحد عايش لوحده ممكن يربي اسد كيفه وعلى راحته ههههههههههه. المهم نبتدي الموضوع ونقول .

بسم الله الرحمن الرحيم




1- الجولدن ريتريفر(Golden Retriever):



طبعا كلب غني عن التعريف وبيعتبر افضل خيار للتربية في المنازل، وهو اساسا كلب صيد مهمته انه يطارد الفريسه ويجيب الفريسه بعد اصطيادها،

مميزاته:

1- كلب ذكي جدا جدا، بيستجيب للتدريب بسهولة وذكاء وسرعة.
2- بيتقن التدريبات الجديده بسرعه ودقه.
3- غير شرس وودود جدا مع اصحابه ومع الغرباء.
4- كلب نشيط ومرح ومحب للعب.
5- حجمه مش كبير بصوره مبالغ فيها وهذة ميزه كبيره في البيت.
6- شكله جميل وحبوب وخصوصا للبنات.
7- ليس له خطوره مع الأطفال وبيعتبر من افضل الكلاب في رعاية الأطفال، حنون بدرجة كبيره جدا جدا ومخلص لاصحابه.
8- سهل جدا تربيته مع اي حيوانات اخرى زي الكلاب او القطط.

عيوبه:

1- كلب بيحب النباح وصوته عالي وده طبعا بيسبب ازعاج كبير وخصوصا انه ممكن يعمل مشاكل مع الجيران.
2- فروته كثيفه نوعا ما وبيتبع كده مجهود في الاستحمام و النظافه.
3- غير شرس يعني لا يمكن اعتباره كلب حراسه من الدرجة الاولى او الثانيه.
4- نشاطه الزايد و شقاوته لو لم يتم السيطره عليهم بصوره صحيحه هينقلب الموضوع لجحيم لانه ممكن يدمر حاجات كتير في المنزل.



2- اللابرادور (Labrador Retriever):



نفس مواصفات ومزايا وعيوب الجولدن ريتريفر لكن بيختلف عنه في كام نقطه:

1- غير حيوي ومرح بنفس درجة الجولدن ريتريفر
2- شكله بيوحي بالشراسه اكتر من الجولدن ريتريفر، ودي ميزه لانه ممكن في الحراسه يخوف اي حد ما يعرف في الكلاب، لكن ما راح يكون حارس مثالي.



3- الجيرمن شيبرد (German Shepherd):



طبعا كلب مميز، وبيعتبر أفضل خيار للتربية في المنزل بعد الجولدن واللابرادور لتميزه بحس الحراسه وصفاته الكتيره اللي محتاجه مجلدات علشان نتكلم فيها.

مميزاته:

1-سهل جدا في تدريبه و تربيته، درجة ذكاءه عاليه جدا جدا، بيستوعب التدريبات و الأوامر بسرعة كبيرة يعني مناسب لأي حد ملوش خبرة في الكلاب.
2- كلب نشيط ومرح ومحب لأصاحبه جدا جدا.
3- وفي لأصحابه بصورة رائعة.
4- شرس وحارس يقظ و مثالي جدا.
5- شكله جميل وطبعا بيميل ليه الولاد أكتر من البنات لان شكله بيوحي بالقوة و الشراسه مع الجمال.
6- حجمه مش كبير كثير بصورة تعوق تربيته في المنزل.
7- كلب حنون جدا مع الأطفال وسهل تربيته معاهم ولا خوف منه عليهم ابدا بالعكس انت تطمن على اطفالك مع الجيرمن تماما.

8- سهل تربيته مع اي حيوانات اليفه أخرى بشرط انك تعوده عليها من الصغر.

عيوبه:

1- فروته وشعره في انواع منه بتكون كثيفه ومحتاج عناية واهتمام دوري من تمشيط و استحمام.
2- لو لم تتم السيطره على شراسته ممكن يكون مؤذي وخصوصا للغرباء.
3- بردو بيحب النباح وصوته عالي .
4- محتاج تدريب و الخروج بيه يوميا في نزهات طويله للمحافظة على لياقته و صحته.
5- غيور وبيحب صاحبه جدا، ولو صاحبه اهمله او انشغل ممكن يعمل اي حاجة علشان يجذب انتباهه.
6- غالبا هيكون له صاحب واحد بس في المنزل بيخلص ليه جدا، وبردو هيكون عارف الباقيين وبيخلص ليهم، لكن بيعشق واحد فقط.



4- البوكسر (Boxer):



البوكسر من ألطف الكلاب اللي ممكن تربيتها في المنزل، بس عيوبه في المنزل بتطغى على مميزاته خصوصا بالنسبه لطريقة حياتنا في الدول.

مميزاته:

1- ذكي جدا جدا، وسهل- في تدريبه وتلقينه اساليب وحيل جديده.
2- كلب حيوي وشقي ومرح وظريف جدا جدا، خصوصا انه بيصدر صوت مضحك جدا لما يكون فرحان وسعيد.
3- فروته قصيرة ومش محتاجه عناية كبيره.
4- نباحه قليل ومش مزعج زي الجولدن و اللابرادور و الجيرمن.
5- مثالي لأي شخص بيمارس رياضة الركض او الهرولة لانه بيحتاج يبذل مجهود للمحافظة على رشاقته.
6- كلب شرس جدا وممكن تشريسه مع الغرباء او الحيوانات، وعامة حارس مثالي.
7- ودود جدا مع الأطفال بس بسبب شقاوته ممكن يسبب ليهم أضرار، لذلك لا ينصح بتركه فترات طويله معاهم من غير مراقبة.

عيوبه
1- نشيط و حيوي بصورة ممكن تكون مدمره خصوصا انه بيقفز بقوائمة الاربعه في نفس الوقت و قفزته عاليه ممكن توصل لمتر ونص، وطبعا بالشكل هذا هتلاقيه بسهوله فوق اي حاجة عندك في البيت لو لم تم السيطره على افعاله بصورة صحيحه.
2- عنيد بعض الشيء لو تم تدريبه بصورة خاطئه او تم الافراط في تدليله.
3- محتاج نظام رياضي خاص للمحافظة على رشاقته وصحتة.
4- شكله لبعض الناس غير محبوب وخاصة البنات.
5- علشان يكون شكله حلو خاصة للهواة بنضطر نعمل له عملية قص الذيل و وتقويم الاذن اللي بتكون مكلفة شويه.
6- محتاج شخص له خبرة في التدريب علشان يقدر يسيطر عليه ويدربه بصورة صحيحة.
7- غيور جدا جدا على صاحبه ولو صاحبه اهمله وانشغل عنه بحيوان تاني غالبا بيتجه لتخريب اي حاجة لجذب انتباه صاحبه.
8- لو في حيوان تاني في المنزل لازم يتعود عليه منذ صغره علشان مايكون شرس معاه.



5- الرودفايلر (Rottweiler):



طبعا من الكلاب اللي ليها شعبيه كبيرة اوي والكل بيحبه لصفاته الرائعة، وهو اساسا من كلاب الرعي و بيستخدم في الحراسه ومن أفضل كلاب الحراسه في العالم.

مميزاته:
1
- كلب وفي لصاحبة لأبعد الحدود لدرجة انه ممكن يموت نفسه في سبيل صاحبه.
2- ذو بنية جسدية قوية جدا بتأهله يكون حارس مثالي جدا.
3- مناسب جدا للذكور لما يوحي به شكله من قوة و هيبة ووقار.
4- ذكي جدا واستيعابه عالي لأي اوامر او تدريبات جديده.
5- حنون جدا مع الأطفال، لكن نظرا لقوته و ضخامته ممكن يأذي الأطفال بغير قصد.
6- لا ينبح كثيرا وهادي جدا في اوقات فراغه.

عيوبه:

1- محتاج اهتمام و رعاية كبيرة، خصوصا في التدريب لأنه كلب مليء بالعضلات ولازم يتعمل له برنامج تدريب سليم، وطبعا لازم يخرج كل يوم ويجري علشان يبدد الطاقة الزايده في جسمه.
2- عنيد جدا ومحتاج شخص تكون له خبره كبيرة في تربية الكلاب ولا ينصح به بتاتا لأي مبتدئ.
3- نظرا لضخامه بنيته فبيكون محتاج تغذيه خاصه و مكلفه.
4- شرس لأبعد الحدود مع الغرباء وخطر جدا عليهم وممكن يعمل مصايب مع اي غريب وصعب جدا انه يتأقلم مع كل البشر، يعني باختصار لو حد جالك حتكون مضطر انك تحبسه قبل ما اي مخلوق غريب يدخل البيت.
5- لازم تجيبه جرو صغير في حدود شهرين بالكتير علشان تقدر تسيطر عليه صح.
6- لا ينسجم بسهولة مع الحيوانات الأليفه.
7- كتير من الناس بتشوفه كلب ممل في البيت لأنه لما بيكون في البيت بيفضل صامت وساكت ومش بيلعب او يتنطط.



6- البيت بول (Pitbull):

أضغط هنا لتكبير الصورة , مقاس الصورة الأصلي 881x715 وحجمها 101KB.


طبعا الكلب ذو السمعة السيئه و المظلوم أبدا، كل الناس فاكره انه كلب مصايب و بس، لكن الكلب له مزايا كثير وعلى عكس ما كل الناس تعرفه.

مميزاته:

1- حجمه صغير في المنزل يعني لا يحتاج مساحه كبيره.
2- فروته قصيره ومش محتاج عنايه كبيره من استحمام و تنظيف مثل الجولدن و الجيرمن مثلا.
3- قليل النباح جدا جدا بالكاد بيطلع له صوت ودي من اهم مميزاته.
4- هادي جدا في البيت ، وطول ما صاحبه مشغول عنه بيفضل انه ينام ولا يعمل اي قلق.
5- كلب مناسب لأي شخص رياضي لانه لازم يتدرب تدريبات عنيفه و ويوميه للمحافظة على رشاقته و لياقته.
6- أفضل حارس ممكن تجيبه سواء حراسه شخصيه او للمنزل.
7- كلب ذكي جدا جدا جدا، ودرجة استيعابه عاليه وبيتعلم الاوامر و التدريبات الجديده بسرعه فائقة.
8- حنون لأقصى درجة مع الأطفال ومع صاحبه، لكن بردو علشان بنيته القوية لا يفضل تركه مع الأطفال لوحده.
9- مخلص لأبعد الحدود لصاحبه وممكن يموت نفسه دفاعا عن صاحبه ويحميه باي شكل.


عيوبه:

1- كلب عنيد ومحتاج شخص ذو خبرة كبيره في تربية الكلاب للسيطره عليه.
2- تدريبه صعب جدا للمبتدئين ولازم تكون خبرتك كبيره في التدريب.
3- لازم تجيبه أقل من شهرين علشان تقدر تسيطر عليه و تربيه صح لان لو سنه كبير صعب انك تغير طباعه.
4- شرس جدا جدا مع الغرباء ومع الحيوانات الأليفه، وعامة شراسته ممكن السيطره عليها لكن لازم من بدري جدا ولا يمكن تأمن انك تسيبه مع اي غريب.
5- محتاج اهتمام ورعاية خاصه علشان التدريبات الرياضيه العنيفه اللي محتاجها يوميا، ومحتاج تفرغ للاهتمام بيه.
6- لو استخدم في الحراسه لازم الناس كلها تكون عارفه انك مربي بيت بول لان لو حد غريب دخل تأكد انه هيطلع جثه او على احسن تقدير بعاهة مستديمه وهذه طبعا مشكلة كبيرة.
7- محتاج نظام غذائي دقيق و صارم للمحافظه على لياقته و صحته.
8- غير مناسب اطلاقا للبنات لصفاته الصعبه.
9- سمعته في العالم سيئه جدا وناس كتير تخاف منه وتخاف تدخل بيتك لو عرفت انك مربي بيت بول فيه وفي اماكن ودول كتير ممنوع دخول البيت بول فيها.
10- مكلف ماديا لانه محتاج تدريب و نظام غذائي وأدوات للتدريب، بس النقط هذه طبعا مميزات لأشخاص كتير هوايتهم الرياضه ، يعني الامور دي بتكون مصدر امتاع ليهم.



7- الجريت دان (Great Dane):



كلب كلنا عارفينه و نحبه جدا جدا لان شخصيته مميزه جدا

مميزاته:

1- كلب سهل في تدريبه و تربيته وتعليمه اوامر جديده
2- فروته قصيره وسهل العناية بيها.
3- نباحه قليل وغير مزعج ابدا.
4- كلب حنون و عطوف جدا جدا ومحب لصاحبه جدا وغير مؤذي بالمره و غير شرس.
5- بنيته الجسديه ضخمه وبتوحي بالهيبه والوقار ومخيف لاي حيوان غريب مع انه طيب جدا.

عيوبه:

1- غير شرس بالمره ولا يمكن الاعتماد عليه في الحراسه.
2- حجمه ضخم جدا ومن الصعب تربيته في المنزل لاحتياجه مكان كبير للمعيشه وكمان بيحتاج كميات كبيرة من الطعام.
3- ضخامته بتخليه خطر على الأطفال.
4- كلب غير محب للعب و الشقاوة وهذا يخليه ممل لبعض الناس وناس ثانيه بتشوف هذه ميزه.
5- درجة ذكائه أقل من الانواع السابقة.

هذه الانواع كانو أهم انواع ممكن تربيهم في البيت، في انواع طبعا ثانيه كثيره جدا، وانا استثنيت كلاب الزينه من الموضوع تماما لأنها اصلا كلاب بيت .
واتمنى يكون الموضوع مفيد للي حاب يشتري كلب ومش عارف اي نوع يشتري .



تحياتي لكم

الموضوع منقول

ثانكس ع الموضوع

العفو خيتو